Cartref >> Ymwelwyr

Ymwelwyr

Eich Croeso Di-ffael

“Fel ein gwesteion, estynnwn groeso cynnes i chi”

Gyda channoedd o olffwyr yn ymweld â Nefyn bob blwyddyn, credwn ein bod, erbyn hyn, yn

gwybod sut i estyn croeso i’n hymwelwyr gan sicrhau profiad hollol gofiadwy ar ac oddi ar y

cwrs.

 

“Cynigir golff heriol a theg mewn lleoliad ysblennydd”

Cwrs unigryw gyda 26 twll, gan gynnwys y ‘Penrhyn/Point’ byd enwog – lle ceir wyth twll ar

benrhyn cul o dir sy’n ymestyn allan i Fae Caernarfon. A’r her – tyllau sy’n eich herio i fentro

er mwyn cael eich gwobrwyo. Serch hyn, caiff golffwyr o bob gallu fwynhad o’r profiad. Gyda

golygfa o’r môr o bob twll a’r Wyddfa fel cefndir, mae’r gair ysblennydd yn dweud ond hanner

y stori!

 

“Cewch werth eich arian ar ac oddi ar y cwrs”

Nid ydym yn cynnig telerau golff rhad, ond ystyriwn, cyn belled ag y mae tâl chwarae yn y

cwestiwn, ein bod yn cymharu’n deg a chlybiau eraill trwy gydol y flwyddyn. Os dach chi’n dod

mewn grŵp, yna mae gennym fargeinion a fydd yn gweddu ag unrhyw gyllideb.

 

“Y tu mewn i’r Clwb, mae cyfleusterau cyffyrddus lle y gallwch ymlacio”

Yn y Clwb, mae lolfa a bar eang a bwyty lle gellir bwydo 120 o westai, ac o’r ystafelloedd

yma ceir golygfeydd godidog o’r cwrs a’i amgylchynau. Yn ogystal, ceir bar sbeic gyda

theledu ‘Sky’ ac ystafell snwcer. Cynigir ystod eang o brydau a diodydd gan ein staff arlwyo

a’n staff bar i blesio pob chwaeth.

 

“Cynigir ystod o offer golff a dillad o safon”

Bydd ein Gŵr Proffesiynol yn cadw ystod eang o’r offer a’r dillad diweddaraf ynghyd â

memorabilia yn ein siop gyfoes eang. Yn ogystal, bydd ein staff yn cynnig hyfforddiant yn

ein maes ymarfer ac ar ein cwrs byr.

 

“Argymhellir lletyai lleol dibynadwy a rhesymol eu pris”

Bydd gwestai a phartneriaid llecynnau hunan arlwyol y Clwb yn sicrhau pleser trwy ddarparu

lletyai cyffyrddus a rhesymol eu prisiau yn ystod arhosiad ein gwestai. Ewch ar-lein neu

cysylltwch â ni i gael bwcio eich ymweliad yn awr!!

BOOKINGS & INFORMATION:

Book a Tee Time
Email via the Website
Professional Shop: 01758 720102
Office: 01758 720966 (Ext 5)